ეროვნული უსაფრთხოების საბჭო

2022 წლის 11 თებერვალს გივი თუმანიშვილი ეროვნული უსაფრთხოების საბჭოს აპარატის უფროსად დაინიშნა.

2019 წლიდან 2022 წლამდე იგი საქართველოს დაზვერვის სამსახურის ანალიტიკური დირექტორატის უფროსის თანამდებობას იკავებდა.

2001-2019 წლებში გივი თუმანიშვილი თავდაცვის სამინისტროში, კერძოდ, სამხედრო დაზვერვის დეპარტამენტში, სახმელეთო ჯარების შტაბსა და გენერალურ შტაბში სხვადასხვა თანამდებობაზე მსახურობდა.

2012 წელს იგი მონაწილეობდა საერთაშორისო მისიაში ავღანეთში.

2000-2001 წლებში გივი თუმანიშვილმა გაიარა თავდაცვის სამინისტროს ოფიცერთა სამხედრო დიპლომატიური მომზადების ცენტრის კურსი და პროფესიული მომზადების სხვადასხვა კურსი.

ფლობს საქართველოს ტექნიკური უნივერსიტეტის მაგისტრის დიპლომს.

1996 წელს მან დაამთავრა საქართველოს ტექნიკური უნივერსიტეტი, ხოლო 1999 წელს ამავე უნივერსიტეტში მიიღო მაგისტრის ხარისხი.

ფლობს რუსულ და ინგლისურ ენებს.