ეროვნული უსაფრთხოების საბჭო

2014 წლის დეკემბრიდან ანზორ ჩუბინიძე  საქართველოს სახელმწიფო დაცვის სპეციალური სამსახურის უფროსია. 

2014 წლის თებერვლიდან 2014 წლის დეკემბრამდე იგი მუშაობდა  საქართველოს ნავთობისა და გაზის საერთაშორისო კორპორაციასა და საქართველოს გაზის ტრანსპორტირების კომპანიაში.

2013-2014 წლებში ანზორ ჩუბინიძე საქართველოს სახელმწიფო დაცვის სპეციალური სამსახურის უფროსის თანამდებობას იკავებდა.

2006-2013 წლებში იგი მუშაობდა შინაგან საქმეთა სამინისტროს ს.ს.ი.პ დაცვის პოლიციის დეპარტამენტში.

2004-2006 წლებში ანზორ ჩუბინიძე სახელმწიფო დაცვის სპეციალური სამსახურის საქართველოს ნავთობსადენებისა და სხვა ობიექტების დაცვის სამმართველოში, ხოლო 1998-2004 წლებში - სახელმწიფო უშიშროების სამინისტროს აკადემიაში მუშაობდა.

1996-1998 წლებში იგი მუშაობდა სახელმწიფო უშიშროების სამინისტროს განსაკუთრებული დანიშნულების ქვედანაყოფში - „ომეგა“, ხოლო 1994-1996 წლებში - სახელმწიფო უშიშროების სამინისტროს აკადემიაში.

1988-93 წლებში ანზორ ჩუბინიძე სწავლობდა საქართველოს ტექნიკურ უნივერსიტეტში, სპეციალობით „ავტომატიზირებული პროექტირების სისტემები მშენებლობასა და არქიტექტურაში“.

ანზორ ჩუბინიძე ფლობს წოდებას - „სახელმწიფო დაცვის გენერალ-ლეიტენანტი“.

ჰყავს მეუღლე და სამი შვილი.