საბჭოს წევრი
2019 წლის ოქტომბრიდან გრიგოლ ლილუაშვილი საქართველოს სახელმწიფო უსაფრთხოების სამსახურის უფროსის თანამდებობას იკავებს.
2019 წლის იანვრიდან 2019 ოქტომბრამდე იგი საქართველოს სახელმწიფო უსაფრთხოების სამსახურის უფროსის პირველი მოადგილის, ხოლო 2017 წლის დეკემბრიდან 2019 წლის იანვრამდე - უფროსის მოადგილის თანამდებობებს იკავებდა.
2016-2017 წლებში გრიგოლ ლილუაშვილი იყო საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარე, აგრეთვე, მაჟორიტარი დეპუტატი.
2016 წლის იანვრიდან 2016 წლის ივლისამდე იგი იყო ქ.თბილისის მერის მოადგილე.
2015-2016 წლებში გრიგოლ ლილუაშვილი იყო სს „ქართუ ჯგუფის“ სამეთვალყურეო საბჭოს თავმჯდომარე და გენერალური დირექტორი.
2014-2016 წლებში მუშაობდა შპს „ოლდ სიტი დეველოპმენტში“, გენერალური დირექტორის პოზიციაზე.
2013-2014 წლებში გრიგოლ ლილუაშვილი შპს „ბურჯის“ გენერალური დირექტორი იყო.
2008-2013 წლებში იყო შპს „ქართუ მშენებელის“ დირექტორის პირველი მოადგილე.
ამავე პერიოდში იგი იყო ასოციაცია „ატუს“, შპს „ბურჯის“ შესყიდვებისა და ლოჯისტიკის დეპარტამენტის უფროსი, ხოლო 2006-2008 წლებში - დეპარტამენტის უფროსის მოადგილე.
2006-2007 წლებში გრიგოლ ლილუაშვილი მუშაობდა საქართველოს ტექნიკური უნივერსიტეტის ჰუმანიტარულ-ტექნიკური ინსტიტუტის ეკონომიკის კათედრის ლექტორად, სადაც კითხულობდა საბაჟო საქმეს.
2004-2006 წლებში იყო ასოციაცია „ატუს“, შპს „ბურჯის” გადაზიდვებისა და საბაჟო უზრუნველყოფის განყოფილების უფროსი.
2003-2004 წლებში იყო საქართველოს ფინანსთა სამინისტროს საბაჟო დეპარტამენტის წარმომადგენელი მსოფლიო საბაჟო ორგანიზაციის „RILO”- ს მოსკოვის ოფისში, დსთ-ს ქვეყნების საბაჟო სამსახურების მეთაურთა საბჭოში.
2001-2003 წლებში მუშაობდა საქართველოს ფინანსთა სამინისტროს საბაჟო დეპარატმენტის საერთაშორისო ურთიერთობების სამმართველოს უფროსის მოადგილედ.
1999-2001 წლებში იყო ავიაკომპანია „აირზენა-საქართველოს ავიახაზების“ მარკეტინგის მენეჯერი, ხოლო 1998-1999 წლებში კი - ამავე კომპანიის ბუღალტერი.
გრიგოლ ლილუაშვილმა დაამთავრა საქართველოს სახელმწიფო ტექნიკური უნივერსიტეტის საერთაშორისო ეკონომიკური ურთიერთობები და მას მოპოვებული აქვს მაგისტრის ხარისხი.
იგი ფლობს რუსულ და ინგლისურ ენებს.
