ეროვნული უსაფრთხოების საბჭო

ლაშა ხუციშვილი საქართველოს ფინანსთა მინისტრის თანამდებობას 2021 წლის 1 აპრილიდან იკავებს.

2014 წლის თებერვლიდან 2021 წლის აპრილამდე იგი იყო საქართველოს ფინანსთა მინისტრის მოადგილე.

 2016 წლის ივლისიდან დღემდე ეკონომიკური თანამშრომლობისა და განვითარების ორგანიზაციის (OECD) და დიდი ოცეულის (G 20) მიერ ინიცირებულ დასაბეგრი ბაზის შემცირების და მოგების გადატანის (BEPS) ინკლუზიური პლატფორმის ხელმძღვანელი ჯგუფის (Steering group) წევრია.

 2013 წლის იანვრიდან 2014 წლის თებერვლამდე ლაშა ხუციშვილს სსიპ - შემოსავლების სამსახურის უფროსის თანამდებობა ეკავა.

 2008 წლის აგვისტოდან 2013 წლის იანვრამდე იგი მუშაობდა საერთაშორისო კომპანიის - Ernst & Young (ერნსტ ენდ იანგ), თბილისის ოფისის საგადასახადო და იურიდიულ განყოფილებაში.

 2007 წლის ივნისიდან 2008 წლის აგვისტომდე იგი მუშაობდა ფინანსთა სამინისტროსთან არსებული დავების განხილვის საბჭოს აპარატში.

 ლაშა ხუციშვილი არის თავისუფალი უნივერსიტეტის ბიზნეს სკოლისა (ESM) და პრესტონის უნივერსიტეტის კურსდამთავრებული ბიზნესის ადმინისტრირების მიმართულებით.

 ფლობს ინგლისურ და რუსულ ენებს.

ჰყავს მეუღლე და ორი შვილი.