ეროვნული უსაფრთხოების საბჭო

2021 წლის 22 თებერვლიდან ჯუანშერ ბურჭულაძე საქართველოს თავდაცვის მინისტრია.

2019 წლიდან 2021 წლის თებერვლამდე იგი საქართველოს თავდაცვის მინისტრის მოადგილე იყო.

2016 - 2019 წლებში ჯუანშერ ბურჭულაძე საქართველოს მუნიციპალური განვითარების ფონდის  აღმასრულებელი დირექტორის პირველი მოადგილის თანამდებობას იკავებდა.

2015 - 2016 წლებში იგი იყო საქართველოს მუნიციპალური განვითარების ფონდის აღმასრულებელი დირექტორი.

2015 წელს იგი საქართველოს მუნიციპალური განვითარების ფონდის  აღმასრულებელი დირექტორის პირველი მოადგილის თანამდებობას იკავებდა.

2010 - 2015 წლებში ჯუანშერ ბურჭულაძე - აშშ-ში საქართველოს საელჩოში ფინანსური მენეჯერი იყო.

2007 – 2010 წლებში იგი მუშაობდა  ს.ს.  „კორ - სტანდარტ ბანკში“,  ბიზნესის განვითარების დირექტორის პოზიციაზე.

2007 წელს იგი იყო   ს.ს.  „კორ - სტანდარტ ბანკის“  საბურთალოს ფილიალის მმართველი, ხოლო 2006-2007 წლებში -  ამავე ბანკის ბუდაპეშტის განყოფილების მმართველი.

2005-2006 წლებში - ს.ს. „კორ - სტანდარტ ბანკის“ კორპორაციული კლიენტების მომსახურების დეპარტამენტში პირადი ბანკირი იყო.

2004-2005 წლებში  ჯუანშერ ბურჭულაძე ს.ს. „ქართუ ბანკის“ პლასტიკური ბარათების მომსახურებისა და დამუშავების დეპარტამენტის უფროსი სპეციალისტის პოზიციაზე მუშაობდა.

2001 - 2004 წლებში იგი საქართველოს ეროვნული ბანკის სალიკვიდაციო კომისიის ეკონომისტი იყო.

1999 - 2001 წლებში მუშაობდა  შპს „ლუქსის“ ფინანსურ მენეჯერად.

1998 - 1999 წლებში საქართველოს საგარეო საქმეთა სამინისტროს ამერიკის ქვეყნების დეპარტამენტის სტაჟიორი იყო.

ჯუანშერ ბურჭულაძეს დამთავრებული აქვს საქართველოს ტექნიკური უნივერსიტეტი საბანკო საქმის სპეციალობით.

ფლობს ინგლისურ, ესპანურ, რუსულ და თურქულ ენებს.

ჰყავს მეუღლე და რვა შვილი.