პრემიერ-მინისტრ გიორგი გახარიას ხელმძღვანელობით, ეროვნული უსაფრთხოების საბჭოს გაფართოებული სხდომა გაიმართა
19 მარტი 2020
საქართველოს პრემიერ-მინისტრ გიორგი გახარიას ხელმძღვანელობით, ეროვნული უსაფრთხოების საბჭოს გაფართოებული სხდომა გაიმართა.
საბჭოს მუდმივ წევრებთან ერთად, სხდომას ესწრებოდნენ საქართველოს პრეზიდენტი, სალომე ზურაბიშვილი, საქართველოს პარლამენტის თავჯდომარე, არჩილ თალაკვაძე, ვიცე-პრემიერი საქართველოს რეგიონული განვითარებისა და ინფრასტრუქტურის მინისტრი, მაია ცქიტიშვილი, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, ეკატერინე ტიკარაძე და საქართველოს ეკონომიკისა და მდგრადი განვითარების მინისტრი, ნათია თურნავა.
სხდომის ფარგლებში, განხილულ იქნა ქვეყანაში ახალი კორონავირუსის (COVID-19) გავრცელებასთან დაკავშირებული საფრთხეები და გამოწვევები, ასევე განისაზღვრა შემდგომი სამოქმედო ნაბიჯები, მათ შორის, ქვეყნის მასშტაბით საგანგებო მდგომარეობის გამოცხადების შესაძლებლობა.
