გივი თუმანიშვილმა საქართველოში თურქეთის რესპუბლიკის ახალ ელჩთან გაცნობითი შეხვედრა გამართა
4 ოქტომბერი 2022
ეროვნული უსაფრთხოების საბჭოს აპარატის უფროსმა, გივი თუმანიშვილმა საქართველოში თურქეთის რესპუბლიკის ახალ ელჩთან, ალი კაან ორბაისთან გაცნობითი შეხვედრა გამართა.
შეხვედრაზე მხარეებმა უსაფრთხოების სფეროში ორმხრივი თანამშრომლობის საკითხები განიხილეს და ურთიერთობების გაღრმავების პერსპექტივებზე ისაუბრეს.
ხაზი გაესვა ორ ქვეყანას შორის სტრატეგიული პარტნიორობის მნიშვნელობას.
შეხვედრას ასევე დაესწრო ელჩის მრჩეველი გიზემ სევიმი, ეროვნული უსაფრთხოების საბჭოს აპარატის უფროსის მოადგილე გიორგი ღიბრაძე, შიდა და საგარეო უსაფრთხოების საკითხთა დეპარტამენტის დირექტორი შალვა კენკებაშვილი, თავდაცვის საკითხთა დეპარტამენტის დირექტორი თინათინ აღნიაშვილი, ადმინისტრაციული დეპარტამენტის დირექტორი მარიამ ფირცხალაიშვილი, ინფორმაციული და კიბერუსაფრთხოების დეპარტამენტის დირექტორი დავით სახვაძე.
