დანიის სამეფოს მხარდაჭერით კრიტიკული ინფრასტრუქტურისა და მედეგობის თემაზე უწყებათშორისი სემინარი გაიმართა
11 მაისი 2023
ეროვნული უსაფრთხოების საბჭოს აპარატის ორგანიზებით, ნატო-საქართველოს არსებითი პაკეტის (SNGP) კრიზისების მართვის ინიციატივის ფარგლებში, კრიტიკული ინფრასტრუქტურისა და მედეგობის საკითხებზე უწყებათშორისი სემინარი გაიმართა.
ღონისძიება დანიის საგანგებო სიტუაციების მართვის სააგენტოს (DEMA) აქტიური მხარდაჭერით ჩატარდა. DEMA-ს სპეციალურმა მრჩეველმა, მაქს რითლზმა სემინარის მონაწილეებს დანიის სამეფოს საუკეთესო გამოცდილებაზე დაყრდნობით კრიტიკული ინფრასტრუქტურის მიმართულებით არსებული ძირითადი პროცედურები და ნატოს მედეგობის დღის წესრიგი გააცნო. კერძოდ, შეხვედრაზე განხილულ იქნა დანიის კრიტიკული ინფრასტრუქტურის იდენტიფიცირების კრიტერიუმები და მეთოდოლოგია, ასევე, მთავრობის უწყვეტი ფუნქციონირების ძირითადი მიმართულებები.
სემინარს შესაბამისი პასუხისმგებელი სამთავრობო უწყებების და სხვადასხვა ორგანიზაციის 30-მდე წარმომადგენელი ესწრებოდა.
