ეროვნული უსაფრთხოების საბჭო

ეროვნული უსაფრთხოების საბჭოს აპარატის წარმომადგენლებმა საქართველოში დიდი ბრიტანეთის საელჩოსა და ტერორიზმთან ბრძოლის სფეროში გაერთიანებული სამეფოს შესაბამისი უწყებების თანამშრომლებთან შეხვედრა გამართეს.

ეროვნული უსაფრთხოების საბჭოს აპარატის უფროსის მოვალეობის შემსრულებელმა, სერგო თურმანიძემ სტუმრებს აპარატის მანდატი და საქმიანობის ძირითადი მიმართულებები გააცნო. მან ვრცლად ისაუბრა ექსტრემიზმთან და ტერორიზმთან ბრძოლის სფეროში საქართველოს ინსტიტუციურ არქიტექტურაზე, ასევე, ცალკეული უწყებების ფუნქციებსა და საქმიანობის ძირითად მიმართულებებზე. შეხვედრაზე, ასევე, განხილულ იქნა ექსტრემიზმთან და ტერორიზმთან ბრძოლის სფეროში არსებული კონცეპტუალური და საკანონმდებლო ბაზა.

მხარეები უსაფრთხოების სფეროში თანამშრომლობასა და შესაბამის სამოქმედო მიმართულებებზე შეთანხმდნენ.