ეროვნული უსაფრთხოების საბჭოს აპარატს ესტონეთის საგარეო საქმეთა სამინისტროს გენერალური მდივანი იოანატან ვსევიოვი ეწვია
11 ნოემბერი 2022
ეროვნული უსაფრთხოების საბჭოს აპარატის უფროსი, გივი თუმანიშვილი ესტონეთის საგარეო საქმეთა სამინისტროს გენერალურ მდივანს, იონატან ვსევიოვს შეხვდა.
გივი თუმანიშვილმა ესტონელ სტუმარს მადლობა გადაუხადა ევროპული და ევროატლანტიკური ინტეგრაციის გზაზე ესტონეთის მიერ საქართველოს მიმართ მნიშვნელოვანი მხარდაჭერის გამო.
შეხვედრაზე, მხარეებმა რეგიონული უსაფრთხოების გარემო და არსებული გამოწვევები მიმოიხილეს. გივი თუმანიშვილმა ხაზი გაუსვა ესტონეთის მიერ საქართველოს მხარდაჭერას კიბერუსაფრთხოების სფეროში.
მხარეები უსაფრთხოების მიმართულებით ურთიერთობის გაღრმავებაზე შეთანხმდნენ.
შეხვედრას ასევე დაესწრნენ ესტონეთის საგარეო საქმეთა სამინისტროს წარმომადგენლები - მარგე მარდისალუ-კაარი და კაიე კორკი, საქართველოში ესტონეთის ელჩი, რიინა კალიურანდი, ელჩის მოადგილე პეეტერ პალსი, ესტონეთში საქართველოს ელჩი არჩილ ყარაულაშვილი და ეროვნული უსაფრთხოების საბჭოს აპარატის დეპარტამენტების ხელმძღვანელი პირები.
