ეროვნული უსაფრთხოების საბჭოს აპარატს უსაფრთხოების თანამედროვე გამოწვევების საკითხებში ნატოს გენერალური მდივნის თანაშემწე, ჯეიმს აპატურაი ეწვია
4 მაისი 2023
ეროვნული უსაფრთხოების საბჭოს აპარატის უფროსმა, გივი თუმანიშვილმა უსაფრთხოების თანამედროვე გამოწვევების საკითხებში ნატოს გენერალური მდივნის თანაშემწესთან, ჯეიმს აპატურაისთან შეხვედრა გამართა.
შეხვედრაზე მხარეებმა ნატო-საქართველოს შორის არსებული თანამშრომლობის საკითხები და სამომავლო პერსპექტივები განიხილეს. ამასთან, აღინიშნა ნატო-საქართველოს არსებითი პაკეტის (SNGP) ინიციატივების წარმატებით განხორციელება.
მხარეებმა რეგიონში არსებული უსაფრთხოების გარემო და გამოწვევებიც მიმოიხილეს.
შეხვედრას ესწრებოდნენ: ეროვნული უსაფრთხოების საბჭოს აპარატის უფროსის მოადგილე, გიორგი ღიბრაძე, ნატოს სამეკავშირეო ოფისის ხელმძღვანელი, ალექსანდრე ვინიკოვი, ნატო-საქართველოს არსებითი პაკეტის ნატოს ძირითადი გუნდის ლიდერი, პოლკოვნიკი ნორბერტ ჰესი, ნატოსთან საქართველოს მუდმივი წარმომადგენლის მოადგილე, დავით ნარდაია, ევროატლანტიკური ინტეგრაციის დეპარტამენტის ევროატლანტიკური ინტეგრაციის კოორდინაციის სამმართველოს მეორე მდივანი ანნა ბაღბაია და საბჭოს აპარატის დეპარტამენტების ხელმძღვანელები.
