ეროვნული უსაფრთხოების საბჭოს აპარატის უფროსმა ისრაელის ელჩთან გაცნობითი შეხვედრა გამართა
5 სექტემბერი 2023
ეროვნული უსაფრთხოების საბჭოს აპარატის უფროსმა, გივი თუმანიშვილმა საქართველოში ისრაელის საგანგებო და სრულუფლებიან ელჩთან, ჰადას მეიცადთან გაცნობითი შეხვედრა გამართა.
გივი თუმანიშვილმა ჰადას მეიცადს ახალ თანამდებობაზე დანიშვნა მიულოცა და მომავალ საქმიანობაში წარმატებები უსურვა.
ეროვნული უსაფრთხოების საბჭოს აპარატის უფროსმა ელჩს საბჭოს და მისი აპარატის მანდატი, ასევე, აპარატის კოორდინაციით მიმდინარე სტრატეგიული პროექტები გააცნო.
შეხვედრაზე ხაზი გაესვა უსაფრთხოების სფეროში საბჭოს აპარატსა და საქართველოში ისრაელის საელჩოს შორის თანამშრომლობის გაღრმავების მნიშვნელობას.
შეხვედრას დაესწრნენ ეროვნული უსაფრთხოების საბჭოს აპარატის უფროსის მოადგილე გიორგი ღიბრაძე და საქართველოში ისრაელის საელჩოს წარმომადგენელი.
